Қалалық психикалық денсаулық орталығында ұжым мен Құрылтай депутаттығына кандидаттармен кездесуі өтті. Кездесу барысында еліміздің қоғамдық және әлеуметтік-экономикалық дамуының өзекті мәселелері ашық талқыланды.

Ақмола гарнизонының әскери прокуратурасы құқық бұзушылықтардың алдын алу мәселелері бойынша ведомствоаралық кеңес өткізді.

Ведомствоаралық өзара іс-қимыл аясында 2026 жылғы 3 шілдеде Қазақстан Республикасы Ішкі істер министрлігі Көліктегі полиция департаментінің Астана станциясындағы Көліктегі полиция басқармасында Қалалық психикалық денсаулық орталығының психологы Жүнісова Ж.К. жеке құрам арасында суицидтік мінез-құлықтың алдын алу және оның профилактикасы бойынша дәріс өткізді.

UNICEF-ның пилоттық бағдарламасы аясында өткен mhGAP «Балалар мен жасөспірімдердің психикалық денсаулығы» атты үш күндік тренингтің екінші легі өз мәресіне жетті.

Үш күн бойы қатысушылар жаңа білім алып, практикалық дағдыларын жетілдіріп, кәсіби тәжірибе алмасты.

29 маусым күні Қалалық психикалық денсаулық сақтау орталығында алғашқы медициналық-санитариялық көмек мамандарына арналған mhGAP оқыту тренингінің екінші кезеңі басталды. Оқу 2026 жылғы 1 шілдеге дейін жалғасады.

Тренинг балалар мен жасөспірімдердегі психикалық және мінез-құлықтық бұзылыстарды ерте анықтау, диагностикалау және жүргізу мәселелеріне арналған. Негізгі назар депрессиялық, үрейлі, мінез-құлықтық бұзылыстарға, сондай-ақ назар тапшылығы мен гипербелсенділік синдромына аударылады.