Дүниежүзілік денсаулық сақтау ұйымының (ДДҰ) Mental Health Gap Action Programme (mhGAP) бағдарламасын іске асыру шеңберінде 2026 жылғы 23–25 маусым аралығында Астана қаласында медициналық-санитариялық алғашқы көмек (МСАК) мамандарына арналған балалар мен жасөспірімдердегі психикалық және мінез-құлық бұзылыстарын анықтау, диагностикалау және жүргізу мәселелеріне арналған оқыту іс-шарасы өткізілуде.

Оқыту ЮНИСЕФ пен Қазақстан Республикасы Денсаулық сақтау министрлігінің «Балалардың психикалық денсаулығын нығайту және суицидтің алдын алу» бірлескен бағдарламасы аясында ұйымдастырылған.

MhGAP бағдарламасы бойынша «Балалар мен жасөспірімдердің психикалық денсаулығы» тақырыбындағы тренингтің екінші күні өтуде.

Тренинг өте қызықты әрі қарқынды өтуде. Қатысушыларға оқытудың практикалық бағыты, материалдың түсінікті түрде ұсынылуы және талқылауға белсенді қатысу мүмкіндігі ұнайды. Олар қазірдің өзінде күнделікті тәжірибеде қолдануға болатын пайдалы білім мен практикалық құралдарды меңгеріп жатыр.

Дәрігерлер нұсқаулықтың түсінікті чек-парақтар («симптом бар/симптом жоқ») қағидаты бойынша құрылғанын, оның айқын әрі қарапайым екенін атап өтуде.

Оқыту жалпы практика дәрігерлеріне «психиатриялық» диагноздардан қорықпай, медициналық-санитариялық алғашқы көмек деңгейінде көмек көрсетуге мүмкіндік береді.