Медицина қызметкері күніне орай Астана қаласының Психикалық денсаулық орталығында салтанатты іс-шара өтті.

Мерекелік жиында орталық директоры Қуаныш Сағатұлы Алтынбеков ұжымды кәсіби мерекемен құттықтап, медицина саласының дамуына үлес қосып жүрген қызметкерлерге алғысын білдірді.

Іс-шара барысында өз қызметін адал атқарып, жоғары кәсібилік танытқан мамандар Құрмет грамоталарымен және алғыс хаттармен марапатталды.

Мерекелік бағдарлама концерттік нөмірлермен жалғасып, қатысушыларға көтеріңкі көңіл күй сыйлады.

Ақ халатты абзал жандарға қажырлы еңбегі, жанашырлығы мен адамдар денсаулығын қорғауға қосқан өлшеусіз үлесі үшін шынайы алғысымызды білдіреміз. Баршаңызға зор денсаулық, амандық, кәсіби табыс пен отбасылық бақ-береке тілейміз.