2026 жылғы 11 маусымда «Қалалық психикалық денсаулық орталығы» ШЖҚ МКК психиатр-дәрігері Т.Т. Колйшибеков №3 қалалық емхананың СӨС дәрігері Изим Айдана Садибековнамен және әлеуметтік қызметкер Зябликова Ирина Михайловнамен бірлесіп Басқару колледжінде «Синтетикалық есірткілер, есірткіге тәуелділіктің клиникалық ерекшеліктері, психикалық денсаулыққа әсері» тақырыбында семинар өткізді. Іс-шара 2026 жылғы 26 мамыр мен 26 маусым аралығында өтетін Нашақорлыққа және есірткінің заңсыз айналымына қарсы халықаралық күнге орай ұйымдастырылған нашақорлықтың алдын алу айлығы аясында өткізілді.

Іс-шара Астана қаласындағы Басқару колледжінің оқытушылары мен студенттеріне арналды. Семинардың негізгі мақсаты – қоғам назарын психикалық әсері бар заттардың жаңа түрлерін қолданудың алдын алуға аудару, есірткі қолданудың теріс салдары туралы ақпараттандыру, сондай-ақ халық арасында есірткіге қарсы иммунитет қалыптастыру болды. Іс-шара барысында тақырыптық бейнеролик пен таныстырылым  көрсетілді. Ақпаратты аудитория қызығушылықпен қабылдап, спикерлерге сұрақтар қойылды. Кездесу қорытындысында жастар арасында нашақорлықтың алдын алудың өзекті мәселелері талқыланды.