1992 жылғы 4 маусым – еліміздің тарихындағы маңызды күн. Бұл күні Қазақстанның тәуелсіздігі мен бірегейлігін бейнелейтін Мемлекеттік рәміздер алғаш рет бекітілді. Егемендіктің мызғымас негіздері – Ту, Елтаңба және Әнұран әлемге Қазақстан Республикасы деп аталатын мемлекетті таныстырды.

2007 жылы 4 маусымда «Қазақстан Республикасының Мемлекеттік рәміздері туралы» Конституциялық Заң қабылданды. Заңда мемлекеттік рәміздердің сипаттамасы мен оларды пайдалану тәртібі айқындалған.

Осы Заңға сәйкес жыл сайын 4 маусымда елімізде Мемлекеттік рәміздер күні атап өтіледі.

Бүгін Қалалық психикалық денсаулық орталығында Қазақстан Республикасының Мемлекеттік рәміздері күніне арналған іс-шара өтті. Орталық қызметкерлері мемлекеттік рәміздерге құрмет көрсетіп, олардың ел тарихы мен тәуелсіздігіндегі маңызын атап өтті.

Қасиетті Тәуелсіздігіміздің рәміздеріне тұрақты құрмет көрсету – әрбір қазақстандықтың парызы.