Бүгін Қалалық психикалық денсаулық орталығына Грузиядан келген делегация арнайы сапармен келді. Делегация құрамында Грузияның Қазақстан Республикасындағы Төтенше және Өкілетті Елшісі Леван Диасамидзе және психиатр-дәрігер Кетеван Диасамидзе болды.

Сапар барысында қонақтар орталықтың жұмысымен танысып, стационарлық бөлімшелерді аралады. Сондай-ақ орталықтың емдеу-диагностикалық мүмкіндіктерімен, физиотерапия және электрұйқы кабинеттерімен, зертханалық бөлімшелерімен танысты.

Грузиялық тарапқа орталық қызметінің негізгі бағыттары, пациенттерді диагностикалау, емдеу және оңалтудың заманауи әдістері таныстырылды. Кездесу психикалық денсаулық саласындағы халықаралық ынтымақтастықты нығайту және кәсіби тәжірибе алмасу аясында өтті.