Қазақстанда жұма күндері ұлттық киім кию дәстүрі кеңінен таралып келеді. Бұл жай ғана тренд емес, өз тамырымызға қайта оралу.

Ұлттық киім – мәдени кодтың бір бөлігі. Ою-өрнектерінде халықтың тарихы, дүниетанымы мен құндылықтары жатыр. Камзол, шапан немесе ұлттық нақыштағы көйлек киген адам өз болмысын айқындайды.

Осылайша дәстүр сақталып, ұрпақтан ұрпаққа беріледі, мәдениетке деген құрмет қалыптасады, ұлттық бірегейлік нығаяды. Балалар оны көріп, табиғи түрде қабылдайды.

Жұма күні – біздің кім екенімізді, қайдан шыққанымызды еске салатын символдық күн. Бұл – күнделікті өмірде ұлттық мәдениетті қолдаудың қарапайым әрі маңызды тәсілі.

Қалалық психикалық денсаулық орталығының қызметкерлері де бұл бастамадан тыс қалмады.