Белгісіздікке төзбеушілікпен күресу үшін белгісіздікті жою туралы емес, оған деген өз төзімділікті арттыруды үйрену қажет.
- Негізгі фактіні қабылдау: толық анықтық болмайды. Барлығын алдын ала болжауға тырысу – шешім емес, үрейдің көзі.
- «Мазасыз ойларға берілуді» шектеу. Сценарийлерді ойша қайталау басталған сәтті байқап, оны «қазір дерек жоқ, сондықтан шешім кейін қабылданады» деген формуламен тоқтату. Назарды әрекетке қайта бағыттау.
- Белгісіздікті мөлшерлеп қабылдау тәжірибесі. Ұсақ нәрселерді әдейі бақылаусыз қалдыру: қайта-қайта тексермеу, артық нақтыламау, растау іздемеу. Осылайша төзімділік қалыптасады.
- Денемен жұмыс. Үрей кезінде физиологиялық реакциялар іске қосылады. Үрейді «шаршы бойынша тыныс алу» («4-4-4-4» схемасы) арқылы төмендетеміз
мұрын арқылы дем алу – 4 секунд
тынысты ұстап тұру – 4 секунд
ауыз арқылы дем шығару – 4 секунд
тынысты ұстап тұру – 4 секунд
5–10 минут бойы қайталау.
Бұл жаттығу жүрек соғуын баяулатады, шиеленісті азайтады, ал ойды тыныштандырады. Техника тынысты бірқалыпқа келтіру және парасимпатикалық жүйке жүйесін белсендіру арқылы әсер етеді.
- «Нені бақылаймын / нені бақылай алмаймын» деп бөлу. Назарды тек өз ықпалыңыз бар аймаққа аударып, кейбір жағдайларды бақылау мүмкін емес екенін және олар ой арқылы шешілмейтінін қабылдау.
- Күтудің орнына әрекет ету. Ақпарат толық болмаса да, келесі қадамды жасаңыз. Сенімділік ойлану арқылы емес, тәжірибе арқылы қалыптасады.
Егер үрейлену жағдайы тұрақты болып, үнемі мазасыздық, ұйқысыздық, шешім қабылдаудан қашу байқалса, бұл маманға жүгінуге себеп болады.
8-702-075-15-99 (контакт орталығы)
Келесі жазбада жалғасы.
#ҚПДО #ШаршыБойыншаТынысАлу #ОйдыҚайтаАйналдыру #Үрей #Психолог
