2026 жылғы 19 ақпанда ҚР ІІМ Дипломатиялық өкілдіктерді қорғау жөніндегі мамандандырылған күзет қызметі басқармасында «Аутоагрессивті мінез-құлықтың алдын алу. Суицидтік қауіп» тақырыбында бірлескен семинар өтті.
Іс-шара ведомствоаралық өзара іс-қимылдың тиімді үлгісіне айналды:
полиция майоры, инспектор-психолог Ауезбекова Акжарқын Жумахановна және ҚПДО психологы Ширяев Иван Алексеевич қызметкерлердің психологиялық қауіпсіздігі мәселелерін талқылау үшін кәсіби ресурстарын біріктірді.
Семинар барысында мынадай мәселелер қарастырылды:
- күштік құрылымдардағы кәсіби күйзеліс факторлары;
- аутоагрессивті мінез-құлықтың ерте белгілері;
- суицидтік тәуекелді анықтау алгоритмдері;
- мамандандырылған көмекке уақтылы жолдау тетіктері.
Психологиялық профилактика саласындағы ведомствоаралық ынтымақтастық — бұл жай формалдылық емес, қызметкерлердің өмірін, тұрақтылығын және кәсіби әлеуетін сақтаудың стратегиялық құралы.
Әртүрлі құрылым мамандарының бірлескен жұмысы қолдау жүйесін күшейтіп, психологиялық қауіпсіздіктің бірыңғай кеңістігін қалыптастырады.
#ведомствоаралықынтымақтастық
#психологиялыққауіпсіздік
#ҚРІІМ
#ҚПДО
#профилактика
