Бүгін бүкіл әлем бойынша 10 қазанда аталып өтетін Дүниежүзілік психикалық денсаулық күні шеңберінде Астана қаласы Қоғамдық денсаулық сақтау басқармасының қолдауымен Қалалық психикалық денсаулық орталығының базасында «Психикалық денсаулық: өзекті пәнаралық проблемалар және шешудің ықтимал жолдары» атты республикалық ғылыми-практикалық конференция өтті.

Психикалық денсаулық - бұл адамның өз қабілеттерін іске асыратын, әдеттегі өмірлік күйзелістерге төтеп бере алатын, өнімді жұмыс істейтін және өз қауымдастығына үлес қоса алатын әл-ауқат жағдайы. Бұл оң мағынада психикалық денсаулық адамның әл-ауқатының және қоғамдастықтың тиімді жұмыс істеуінің негізі болып табылады.

Конференцияны «Астана медицина университеті» КЕАҚ психиатрия, наркология және клиникалық психология кафедрасы бірлесіп ұйымдастырды.

Сондай-ақ, конференцияға өңірлік психикалық денсаулық қызметтерінің бірқатар басшылары қатысып, елордалық Орталықтың жұмысымен танысты.