Қалалық психикалық денсаулық орталығында екі блоктың қызметкерлерін біріктірген сенбілік өтті. Ауқымды тазалық жұмыстары ұжымдық ынтымақ пен қоршаған ортаға деген қамқорлықтың жарқын үлгісі болды.

Таңертеңнен бастап орталық қызметкерлері аумақты абаттандыру жұмыстарына белсенді қатысты: қоқыс пен құрғақ жапырақтар жиналып, жолдар тазартылды, гүлзарлар мен жасыл желектер ретке келтірілді. Ұжым көтеріңкі көңіл-күймен өз үлестерін қосып, мекеме айналасын таза әрі көрікті етуге атсалысты.

Мұндай іс-шаралар ұжымдық рухты нығайтып, ортақ игілік үшін жауапкершілікті арттырып, әріптестер арасында жылы қарым-қатынас орнатуға септігін тигізеді.

Белсенділік пен бейжай қарамай, Орталығымызды одан әрі жайлы және тартымды етуге үлес қосқан барлық қатысушыларға алғысымызды білдіреміз!