Бөлімше меңгерушісі

Айткожин Данияр Батырулы

Бірінші біліктілік санаттағы психиатр-нарколог дәрігер

10 жылдан астам еңбек өтілі бар психиатр-нарколог дәрігер.

Қабылдау бөлімшесі мен қарқынды терапия палатасының қызметіне басшылық жасауды, емдеу-диагностикалық үдерісті үйлестіруді, шұғыл және жоспарлы мамандандырылған психиатриялық және наркологиялық көмекті ұйымдастыруды жүзеге асырады.

Психикалық және наркологиялық бұзылыстары бар пациенттерді диагностикалау, емдеу және жүргізу бойынша, оның ішінде ауыр абстиненттік синдромдары, психоздық жай-күйлері, тоқтату синдромы, психиатрия мен наркологиядағы шұғыл жағдайлары бар пациенттермен жұмыс істеуде практикалық тәжірибесі бар.

Бөлімшеде жоғары біліктілік санатындағы дәрігер-реаниматолог-анестезиолог Ильченко Святослав Иванович жұмыс істейді, еңбек өтілі – 37 жыл.

Қарқынды терапия палатасы (ҚТП) наркологиялық және психиатриялық бұзылыстардың ауыр түрлері бар пациенттерге қарқынды және шұғыл медициналық көмек көрсетуге арналған мамандандырылған бөлімше болып табылады. Бөлімше 6 төсек-орынға есептелген және пациенттердің жағдайын тәулік бойы бақылауды, емдеуді және мониторинг жүргізуді жүзеге асырады.

Бөлімшенің негізгі қызмет бағыттарына ауыр абстиненттік синдромы, құрысу синдромы, психикалық әсері бар заттарды қолданудан туындаған психоздық бұзылыстары бар пациенттерге, сондай-ақ қарқынды бақылау мен емдеуді қажет ететін ауыр психикалық және мінез-құлықтық бұзылыстары бар пациенттерге медициналық көмек көрсету жатады.

ҚТП жағдайында көмек көрсетудің негізгі қағидаттары мыналар болып табылады:

• шұғыл жоғары тиімді наркологиялық және психиатриялық көмек көрсету;
• сапалы мамандандырылған медициналық көмек көрсету;
• ұйымның басқа құрылымдық бөлімшелерімен сабақтастық пен өзара іс-қимылды қамтамасыз ету;
• Қазақстан Республикасының қолданыстағы заңнамасына сәйкес медициналық көмек көрсету.

Бөлімшеде медициналық көрсетілімдер бойынша плазмаферез және қанды ультракүлгін сәулемен сәулелендіру (УКС) қызметтері де көрсетіледі.